யுத்த மேகம் சூழ்ந்துள்ள மத்திய கிழக்கை சிறு சிறு துண்டுகளாக்க அமெரிக்காவும், இஸ்ரேலும், ஐரோப்பிய நாடுகளும் வகுத்துள்ள திட்டத்தை கச்சிதமாக நிறைவேற்றப் பாடுபட்டு வரும் ISIS இன்று முழு முஸ்லிம் உலகினதும் கண்டனத்துக்கு ஆளாகியுள்ளது.
மிக நன்றாகப் பயிற்றப்பட்டு, நன்கு நிதிவளம் பெற்ற, மிகச்சிறந்த ஆயதங்களைக் கொண்டுள்ள இந்த ISIS கோஷ்டி யார்? என்பதுதான் பலரையும் சிந்திக்க வைத்துள்ள கேள்வியாகும்.
சிரியாவின் ஒரு பகுதி நிலப்பரப்பில் தோன்றி மிக விரைவாக ஈராக்கின் வட பகுதி வரை ஊடுறுவி நிலப்பரப்புக்களை ஆக்கிரமித்த இவர்களின் தோற்றம் எங்கிருந்து உருவானது?.
இந்தப் பிரதேசங்களுக்குள் அவர்கள் எவ்வாறு கனரக ஆயுதங்களைக் கொண்டு வந்தார்கள்? யார் இவர்களுக்கு இந்தளவு சிறந்த ஆயுதப் பயிற்சியை வழங்கினார்கள்?
ஆற்றல்மிக்க முழு அளவிலான ஓர் இராணுவ அணியாக எப்படி அவர்கள் தங்கள் கனரக ஆயுதங்களோடு பாலைவன எல்லைகளைக் கடந்து வந்தார்கள்?
பிரிட்டனை விடப் பெரியளவிலான ஒரு நிலப்பரப்பை எப்படி அவர்கள் இவ்வளவு விரைவாகத் தமது கட்டுப்பாட்டின் கீழ் கொண்டு வந்தார்கள்?
இதுவரை கிடைக்கப் பெற்றுள்ள தகவல்களின்படி ISIS ஜோர்தானில், இஸரேலின் உளவுச் சேவையான மொஸாட்டினால் பயிற்சி அளிக்கப்பட்ட ஓர் அணியாகும். அமெரிக்கா இதற்குத் தேவையான ஆயுதங்களை வழங்கியுள்ளது.
சவூதி அரேபியா தேவையான நிதி உதவிகளை அளித்துள்ளது. இஸ்லாத்துக்கும் முஸ்லிம்களுக்கும் எதிரான ஒட்டுமொத்த சதித் திட்டமே இதுவாகும்.
இஸ்ரேலின் உருவாக்கம் மற்றும் ஐரோப்பிய ஆக்கிரமிப்பாளர்களின் வருகை என்பனவற்றுக்கு முன் அமைதியாகவும் நல்லிணக்கத்தோடும் பல நூற்றாண்டுகளாக வாழ்ந்த ஷீயா மற்றும் ஸுன்னி முஸ்லிம்களுக்கு இடையிலான மோதல்களை உருவாக்குவதற்கான சதித்திட்டத்தின் ஓர் அங்கமாகவும் ISIS இன் உருவாக்கம் அமைந் துள்ளது.
கப்பம் கோரல், பணத்துக்காக ஆள் கடத்தல், பல்வேறு விதமான கொள்ளைகள், மக்களிடமிருந்து சட்டவிரோத வரி அறவிடல் என எல்லாவிதமான சட்டவிரோத செயல்களிலும் ஈடுபடும் ஒரு இயந்திரம் தான் ISIS. இவர்களின் நிச்சயமான புனித நோக்கம் எண்ணெய் கடத்தல் அன்றி வேறு எதுவும் இல்லை.
மிக அண்மையில் மேற்கொள்ளப்பட்ட ஒரு மதிப்பீட்டின் பிரகாரம் ISIS கலீபா (ஆட்சியாளர்) தான் தம் வசமுள்ள ஈராக்கின் வட பகுதியில் மற்றும் சிரியாவின் வட கிழக்கில் காணப்படும் எண்ணெய் வளங்கள் மற்றும் எண்ணெய் சுத்திகரிப்பு நிலையங்கள் மீது நேரடியான பூரண கட்டுப்பாட்டைக் கொண்டுள்ளார்.
இங்கிருந்து மிக மலிவான விலையில் எண்ணெயை விற்பனை செய்வதன் மூலம் நாள் ஒன்றுக்கு இவர்கள் இரண்டு மில்லியன் அமெரிக்க டொலர்களை சம்பாதிக்கின்றனர்.
இந்த வருமானங்கள் எல்லாமே பணமாக அல்லது பண்டமாற்றாக பெறப்படுகின்றன. இந்த இஸ்லாமிய இராஜ்யத்தின் சிக்கல் மிக்க விநியோக வலையமைப்பு முகவர்களிடம் இருந்து யார் இந்த எண்ணெயை கொள்வனவு செய்கின்றார்கள் என்பது பரம இரகசியமாகவே உள்ளது.
ஆனால் இஸ்லாமிய கிலாபத் (ஆட்சிக்கு உட்பட்ட) பிரதேசம் என்று சொல்லப்படுகின்ற இந்தப் பிரதேசத்தில் இருந்து பாயும் எண்ணெய் துருக்கி மற்றும் ஜோர்தான் ஆகிய நாடுகளைச் சென்றடைகின்றது என்பது மட்டும் தெரியவந்துள்ளது.
இந்த கிலாபத்தை இலக்கு வைக்க வேண்டும் என்ற எண்ணம் உண்மையிலேயே அமெரிக்க ஜனாதிபதி ஒபாமாவுக்கு இருக்குமானால் இந்தப் பணம் எங்கு சென்றடைகின்றது என்பதை அவர்களால் நிச்சயம் மிக இலகுவாகக் கண்டுபிடித்துவிட முடியும் (நிச்சயம் இது ஒரு வங்கிக்கு செல்லவில்லை) ஆனால் அதை விட்டுவிட்டு அவர்கள் தேவையில்லாத இராணுவ நடவடிக்கைகளில் கூடுதல் கவனம் செலுத்திக் கொண்டிருக்கின்றார்கள்.
இன்றைய நிலை பற்றி பிரபல பத்தி எழுத்தாளர் சனி ஹூண்டா குறிப்பிடுகையில், செப்டம்பர் 11 இற்குப் பின் பல்வேறு வழிகளில் நோக்குகின்ற போது, முஸ்லிம்களின் வரலாற்றில் இது மிகமோசமான ஒரு நிலையாக உள்ளது.
இந்த நிலை முஸ்லிம்கள் சிறுபான்மையினராக வாழும் நாடுகளில் கூட பாரிய அளவிலான அமைதியீனத்தை ஏற்படுத்த வாய்ப்புண்டு. மத்திய கிழக்கை இது துண்டு துண்டாக்கி சீரழித்து விடும். மேலும் பல தலைமுறைக்கு இது அமைதியீனத்தை தொடரச் செய்யும் என்று குறிப்பிடுகின்றார்.
பிரான்ஸின் வாராந்த சஞ்சிகையான சார்ளி ஹெப்டோ அலுவலகத்தில் இடம்பெற்ற துப்பாக்கிச் சூட்டு சம்பவம் மற்றும் கொலைகள், ஏனைய பல இடங்களில் மிகவும் சாதுரியமாகத் திட்டமிடப்பட்டு மேற்கொள்ளப்பட்ட கொலைகள் என்பன இஸ்ரேலின் மொஸாத் இயக்கத்தின் கைங்கரியமாக இருக்கலாம் என்ற ஒரு சந்தேகமும் நிலவுகின்றது.
முஸ்லிம்களுக்கு எதிரான பிரசாரங்களின் ஞானத் தந்தையாக இருக்கும் இவர்கள், மேற்குலகிலும் தங்களது கைங்கரியத்தை பரவச் செய்து முஸ்லிம்களுக்கு தலை குனிவை ஏற்படுத்த தொடங்கிவிட்டார்களா என்றும் சந்தேகிக்கப்படுகின்றது.
2015 பெப்ரவரி 24இல் ISIS கோஷ்டியின ருக்கு அமெரிக்கா தலைமையிலான கூட்டுப்படை விமானங்கள் மூலம் தேவையான ஆயுதங்களைப் போட்டதாக பார்ஸ் செய்திச் சேவை தகவல் வெளியிட்டுள்ளது.
இந்த தகவலுக்கு மேலும் வலுவூட்டும் வகையில், 2015 பெப்ரவரி 16 திங்கட்கிழமை ஈராக்கின் பாராளுமன்ற உறுப்பினர் ஒருவர் ஈராக்கிய படையினர் அல் அன்பார் மாநிலத்தில் IS பிரதேசத்துக்கு ஆயுதங்க ளுடன் சென்று கொண்டிருந்த இரண்டு பிரிட்டிஷ் விமானங்களை சுட்டு வீழ்த்தியதாகத் தெரிவித்துள்ளார்.
ஈராக்கின் அந்த சிரேஷ்ட பாராளுமன்ற உறுப்பினர் அல் அன்பார் மாநிலத்தில் IS கட்டுப்பாட்டுப் பகுதிகளில் அமெரிக்க விமானங்கள் தினசரி அவர்களுக்குத் தேவையான ஆயுதங்களையும் ஏனைய பொருட்களையும் விமானங்களிலிருந்து போட்டு வருவதாக அங்கு வாழும் மக்கள் அன்றாடம் ஈராக் அரசுக்கு முறையிட்டு வருகின்றனர் என்றும் தெரிவித்துள்ளார்.
அன்பார் மாநிலத்தில் எப்போதும் கொந்தளிப்பும் குழப்பமுமான ஒரு சூழல் நிலவ வேண்டும் என்று அமெரிக்கா விரும்புவதன் காரணமாகவே பயங்கரவாதக் குழுக்களுக்கு அன்றாடம் ஆயுதங்களையும் ஏனைய பொருட்களையும் மேலைத்தேய படைகள் விநியோகித்து வருகின்றன.
ஏனெனில், அன்பார் மாநிலம் கர்பலா மற்றும் பக்தாத் நகரங்களுக்கு மிக அருகில் அமைந்துள்ள மாநிலமாகும். இந்தப் பிரதேசத்தில் ISIS பிரச்சினை முடிவுக்கு வரக்கூடாது என்பதே அவர்களின் விருப்பமாகும் என்று அந்தப் பாராளுமன்ற உறுப்பினர் மேலும் விளக்கமளித்துள்ளார்.
அமெரிக்க உளவாளியாக இருந்து தற்போது தலைமறைவாக வாழ்ந்து வரும் எட்வர்ட் சுனோடன், ISIS மொஸாட்டினால் உருவாக்கப்பட்டு பயிற்சி அளிக்கப்பட்ட ஒரு பிரிவு என்றும், அமெரிக்காவும் பிரிட்டனும் இதற்குத் தேவையான ஆயுதங்களையும் சவூதி அரேபியா நிதி உதவியையும் அளித்து வருகின்றது என்றும் குறிப்பிட்டுள்ளார்.
இது முற்றிலும் உண்மை என்பதற்கான சான்றுகள் தற்போது வெளிவந்த வண்ணம் உள்ளதாக அண்மைக் கால அறிக்கைகள் தெரிவிக்கின்றன.
‘பனிப்போர் காலமும் அதற்கு பின்னரும்’ என்ற தொனிப் பொருளில் பத்தி எழுத்தாளர் மைக்கல் சசுடோவ்ஸ்க்கி எழுதுகையில் ‘அமெரிக்காவின் CIA பாகிஸ்தானின் இராணுவ உளவுப் பிரிவை முஜாஹிதீன்களைப் பயிற்றுவிக்க ஒரு முக்கிய கருவியாகப் பயன்படுத்தியது.
இதற்கு பகரமாக CIA அனுசரணையுடன் கூடிய ஆயுத பயிற்சி இஸ்லாமிய கற்கைகளோடு இரண்டறக் கலந்தது.
ஆயுதபாணி இஸ்லாமிய தளங்களை கிளின்டன் மற்றும் புஷ் நிர்வாகங்கள் தொடர்ச்சியாக ஆதரித்து வந்துள்ளன. இதில் ஒஸாமா பின் லேடனின் அல்கைதா வும் அடங்கும்.
இது அமெரிக்க வெளியுற வுக் கொள்கை நிகழ்ச்சி நிரலில் ஒர் அங்கமாகவே இருந்து வந்துள்ளது. பொஸ்னியா மற்றும் கொஸோவோவா விடயங்களில் கிளின்டன் நிர்வாகத்துக்கும் ஒஸாமா பின் லேடனுக்கும் உள்ள தொடர்புகளை நிரூ பிக்கப் போதியளவு தேவையான ஆவணங்கள் அமெரிக்க காங்கிரஸில் தாராள மாக சமர்ப்பிக்கப்பட்டுள்ளன’ என்று குறிப்பிட் டுள்ளார்.
ஊடகவியலாளர்கள் ஜேம்ஸ் போலே மற்றும் ஸ்டீவன் சொட்லொப் ஆகியோர் கழுத்து வெட்டப்பட்டு கொல்லப்பட்டமை தொடர்பாக கேள்விகளை எழுப்பிய ஊடகங்கள் வரிசையில் தோஹாவைதளமாகக் கொண்டு செயற்படும் அல்ஜஸீராவின் அரபுப் பிரிவும் இணைந்து கொண்டது.
இவர்கள் கொல்லப்பட்டமை தொடர்பான காட்சிகள் நம்ப முடியாதவையாக உள்ளன என்றும், இவர்கள் இருவரும் ஹொலிவூட் திரைப்பட நடிகர்களின் பங்கினை இந்தக் காட்சிகளில் நிறைவேற்றி உள்ளனரா என்றும் கேள்விகள் எழுப்பப்பட்டன.
சிரியாவில் அமெரிக்கா ஊடுறுவ முன்பதாக ஒரு முன்னோட்ட நிகழ்வாகவே இந்தக் காட்சிகள் ஒளிப்பதிவு செய்யப்பட்டுள்ளன என்று தற்போது தெரியவந்துள்ளது.
இந்தக் கொலைகள் தொடர்பான முதலாவது வீடியோ காட்சியைப் பார்க்கின்ற ஒருவரை முதலில் ஈர்க்கும் விடயம். ஜேம்ஸ் போலே பாதிக்கப்பட்ட ஒருவராக அன்றி ஒரு வீரனைப் போல் குரல் எழுப்புவதாகும்.
முழுக்க முழுக்க அரங்கம் அமைத்து நிறைவேற்றப்பட்ட இந்தக் காட்சியில் அவர் ஒரு நீண்ட கூற்றை வாசிக்கின்றார்.
அதை வாசிக்கும் அந்தக் காட்சிகளில் அவரின் கண் அசைவுகளிலிருந்து அவர் முன்னேற்பாட்டு காட்சிப் பிரதியொன்றை வாசிக்கின்றார் என்பதும் புரிகின்றது என்று அல்ஜஸீரா அரபு செய்திச் சேவை தெரிவித்துள்ளது.
2014 செப்டெம்பரில் நியூயோர்க்கில் செப்டெம்பர் 11 தாக்குதலின் மூன்றாண்டு நிறைவை அமெரிக்காவும் உலகும் நினைவு கூர்ந்தபின் ISIS என்பது புதிய அல்கைதா என்ற நவீன உலக வரலாற்றின் உலக மகா பொய்யையும் அமெரிக்கா அரங்கேற்றி வைத்தது.
முன்னொருபோதும் இல்லாத அளவுக்கு உலக அரங்கில் ஆக்கிரமிப்பையும் உள்ளூர் அரங்கில் பொலிஸ் மட்ட செயற்பட்டையும் அதிகரிக்கும் வகையில் அமெரிக்க மக்களை நம்ப வைப்பதற்காக இந்த உலக மகா பொய் அமெரிக்க மக்கள் முன்னிலையில் அரங்கேற்றப்பட்டது.
‘ISIS, எண்ணெய் அரசியல் மற்றும் இஸ்லாமோபோபியாவின் (இஸ்லாம் பற்றிய மிதமிஞ்சிய அச்சம்) உச்ச கட்டம்’ எனும் தலைப்பில் பிரபல இந்திய பத்தி எழுத்தாளர் ராம் புன்யானி குறிப்பிடுகையில் ‘மேற்கு ஆசியப் பிராந்தியத்தில் எண்ணெய் செல்வத்தைக் கட்டுப்பாட்டில் வைத்திருக்க அமெரிக்கா தீட்டியுள்ள திட்டங்கள் ஏராளம் உள்ளன.
அமெரிக்கா இதற்கென தனக்கே மட்டும் உரித்தான புறம்பான நியாயங்களைக் கொண்டுள்ளது. எண்ணெய் மிகவும் விலைமதிப்பற்ற ஒரு பொருள்.
அதை மற்றவர்கள் கட்டுப்பாட்டில் விட்டுவிட முடியாது என்பது அதில் ஒரு நியாயமாகும். முஸ்லிம் இளைஞர்களை உணர்வூட்டி அல்கைதாவை நாங்கள்தான் உருவாக்கினோம் என்று ஹிலரி கிளின்டன் அண்மையில் மிகத் தெளிவாக ஒரு பேட்டியில் தெரிவித்துள்ளார்.
இஸ்லாத்தில் இருந்து திரிபுபடுத்தப்பட்ட கருத்துக்களை மையமாகக் கொண்டுதான் இந்த இளைஞாகள் உணர்வூட்டப்பட்டார்கள் என்பதை இந்தப் பிராந்தியத்தின் வரலாறு விளக்குகின்றது. அதில் வஹ்ஹாபிஸம் பிரதானமானதாகும்’ என்று குறிப்பிடுகின்றார்.
ஆப்கானிஸ்தானில் ரஷ்ய படைகளை எதிர்த்துப் போராடுவதற்காக மிகவும் பிரமாண்டமான முறையில் பாரிய நிதி உதவிகளுடன் உருவாக்கப்பட்டது தான் அல் கைதா.
அல்கைதாவின் காட்டுமிராண்டித்தனம் வெளிப்படத் தொடங்கியதும் அமெரிக்கா செப்டம்பர் 11 தாக்குதலின் பின் ‘இஸ்லாமிய பயங்கரவாதம்’என்ற முத்திரையை குத்தத் தொடங்கியது.
இந்த செப்டம்பர் 11 தாக்குதல் சம்பவத்துக்கு முன் பயங்கரவாதச் செயற்பாடுகள் சமயத்தோடு தொடர்புபடுத்தப்படவில்லை. வெவ்வேறு சமயங்களைச் சேர்ந்தவர்கள் இவ்வாறான காரியங்களில் ஈடுபட்டபோதிலும் கூட ஒரு போதும் அவற்றுக்கு சமய முத்திரை குத்தப்படவில்லை.
மகாத்மா காந்தி கொலை, இந்திரா காந்தி கொலை, ராஜீவ் காந்தி கொலை, தாய்லாந்தில் மியன்மாரில் மற்றும் இலங்கையில் பௌத்த பிக்குகளின் பயங்கரவாதச் செயற்பாடுகள், நோர்வேயில் என்டர்ஸ் பெர்லிங் பிரிவிக்ஸ் செய்த கொலைகள், பல்வேறு அரசியல் நோக்கங்களுக்காக பல்வேறு சமூகத்தவர்கள் மேற்கொண்ட அரசியல் கொலைகள் என எதற்குமே சமய முத்திரை குத்தப்படவில்லை.
ஆனால் செப்டமபர் 11 தாக்குதலின் பின்னர் பயங்கரவாதம் என்பது இஸ்லாத்தோடு மட்டும் பின்னிப் பிணைக்கப்பட்டது.
அல்கைதாவை உருவாக்குவதற்கும் முஜாஹிதீன்களாக சேர்ந்த இளைஞர்களை உணர்வூட்டுவதற்கும் அமெரிக்கா தெரிவு செய்த இஸ்லாமிய பிரிவு அப்துல் வஹாப் என்பவரால் உருவாக்கப்பட்டது.
இஸ்லா த்தை மிகவும் இறுக்கமாக்கி தனது பிரத்தியேகமான பார்வையில் அதனை வெளிப்படுத்தினார்.
இது சவூதியின் ஆளும் குடும்பத்து க்கு மிகவும் பொருத்தமாக அமைந்தது. எண் ணெய் வளங்கள் மீது தமது கட்டுப்பாட்டை வைத்திருக்க இது அவர்களுக்குப் பொருந்தியது.
அமெரிக்க வடிவமைப்புக்கும் இதே முறை பொருத்தமாக காணப்பட்டது. இங்கே அவர்கள் காபிர்(உண்மையை ஏற்க மறுப்பவர்) என்பதை முஸ்லிம் அல்லாத ‘ஏனையவர்கள்’ என அடையாளப்படுத்தினர்.
இப்போது வஹ்ஹாபி இஸ்லாத்தை தலையில் வைத்துக் கொண்டும் அமெரிக்க ஆதரவுடன் கிடைத்திருக்கும் ஆயுதங்களை கரங்களில் ஏந்திக் கொண்டும் அவர்கள் என்ன செய்ய விளைகின்றார்கள்?
இதன் வழித்தோன்றலாக காலப்போக்கில் உருவானது தான் ISIS. கலீபா ஒருவரை உருவாக்கி உலகை ஆட்சி செய்யலாம் என்ற அவர்களின் மாயை, அதன் விளைவாக ஏற்பட்டுள்ள பித்துப் பிடித்த நிலை என்பன தற்போது கண்கூடாகத் தெரியத் தொடங்கியுள்ளன.
இவ்வாறுதான் அமெரிக்க தற்போது முன்னைய காலனித்துவ ஆதிக்கவாதிகளைப் பின்பற்றி பிரித்தாளும் தனது விளையாட்டை அரங்கேற்றி வருகின்றது.
இந்தியாவில் காலனித்துவவாதிகள் இனவாத அரசியலின் விதையை தூவினர். சோவியத் ரஷ்யாவின் வீழ்ச்சிக்குப்பின் கடந்த சில தசாப்தங்களில் மேற்காசியாவில் இந்த விதை தூவப்பட்டுள்ளது.
இனரீதியான பிரிவினைகளின் அடிப்படையில் அமெரிக்க ஏகாதிபத்தியம் நாடுகளைத் துண்டாடும் பணியினை மேற்கொண்டுள்ளத.
ஷிஆ, ஸுன்னி, குர்திஸ் என இன ரீதியாக தூபமிட்டு நாடுகளை துண்டாடி பலமிழக்கச் செய்யும் முயற்சியில் அமெரிக்கா ஈடுபட்டுள்ளது. இந்த முயற்சி தற்போது உச்ச கட்டத்தை அடைந்துள்ளது.
இதேநேரம் இஸ்லாத்தை பூதாகரமாகச் சித்திரித்து ,இஸ்லாம் பற்றி மிதமிஞ்சிய அச்சத்தை ஏற்படுத்தும் கைங்கரியமும் சமகாலத்தில் நன்கு திட்டமிடப்பட்டு உலகம் முழுவதும் அரங்கேற்றப்பட்டு வருகின்றது.
அல்கைதா மற்றும் ISIS ஆகிய அமைப்பக்களின் தீய செயற்பாடுகள் இதற்கு சிறந்த முறையில் பயன்படுத்தப்பட்டு வருகின்றன.
சக்திமிக்க நாடுகள் தமது சொந்த நலன்களுக்காகவும், அரசியல் இலக்குகளை அடைந்து கொள்வதற்காகவும், சமயத்தை துஷ்பிரயோகம் செய்து வருகின்றபோது சமூக சிந்தனைகளில் நாம் எவ்வாறு நியா யத்தை நிலை நிறுத்த முடியும்.
ஒரு சம யம் சார்ந்த சமூகத்தை பூதாகரமாகச் சித்திரிக்கும் விடயம் என்பது எளிதில் தீர்வு காணக்கூடிய ஒரு விடயமும் அல்ல.
ஆதிக்க சக்திமிக்க பிரிவுகள் மத்தியில் நிலவும் கருத்துக்களுக்கு சவால் விடுப்பதும், அவர் களின் சமூக ஆதிக்க சக்திகளுக்கு சவால் விடுப்பதும் மிகவும் கஷ்டமான காரியங் களாகும்.
எமது சமூகத்தில் அமைதியும், முன்னேற்றமும் நிலவ வேண்டுமானால் இந்த விடயங்களில் நாம் பாரதூரமாகக் கவனம் செலுத்த வேண்டியதும் அவசிய மாகும்.
‘மனித குலத்தின் மீது யுத்த அச்சுறுத்தல் விடுக்கும் ஒபாமா’ என்ற கட்டுரையில் கௌரவத்துக்குரிய அமெரிக்க எழுத்தாளர் ஸ்டீபன் லென்ட்மன், “நிரந்தர யுத்தம் என்பது அமரிக்காவின் உத்தியோகபூர்வ கொள்கை.
யுத்த மோகம் கொண்ட நீண்ட அமெரிக்க ஜனாதிபதிகள் வரிசையில் இப் போது உள்ளவர்தான் ஒபாமா. அவர் நேரடி யாகவும் மறைமுகமாகவும் பல யுத்தங்க ளைத் தொடுத்துள்ளார்.
தனது பதவிக்காலத்தில் அவர் இதனை நிறையவே செய்துள்ளார். இன்னும் பல மரணங்களும், அழிவுகளும் அவரின் சிந்தனையில் உள்ளன. அமெரிக்காவின் கலாசாரமே வன்முறைதான். அது எப்போ தும் அப்படியேதான் இருந்து வந்துள்ளது.
சமாதானத்தின் பெயரால் அது யுத்தங்களைப் புகழுகின்றது. மேலைத்தேய நாடு கள் மத்தியில் அதிகமான மனித கொலை களைப் புரிந்துள்ள நாடும் அதுவே” என்று கூறுகின்றார்.
.jpg)
